Nekeetako ama Gernikakoari otoitza
Artetxe, Eulogi
Oiñaze guztien barri dakizun gure Ama Maria,
Atzo Gernika'n zure oiñazeen eguneko mezea
Erderaz guzti-guztia: etzan euskaldunen mezea.
Au bai, au ene oiñazea!
Onezkero ez al da, ba, Gernika au zure erria?
Edo ez ete zaitugu gernikarrok Ama gurea?
Ala zaitugu Ama, ulertzen ez dozuna semeon berbetea?
Au bai, au ene oiñazea!
Kristok Gurutzetik azken une atan esaniko berbea
Guztion anai lez etzan, ba: «Ama, or zure semea?»
Zelan, ba, Ama, gernikar euskaldunok semetzat ez artzea?
Au bai, au ene oiñazea!
Eta Jaunak emonik, ama-bularretik dogun izkuntzea
Nabarmenkeri aundiz gernikarrok ukatzea
Ez ete gero, zazpi ezpata biotzean Amari sartzea?
Au bai, au ene oiñazea!
Geuk ukatuta be, Zeuk ez gu ukatu, Ama. Zai gure erria,
Zai ta itxartu, argitu, ta ausi gure egoera larria;
Ez gureaz, bei zeure irabaziz, emon goi-argia,
Bitartean, Ama: Au bai, au ene oiñazea!