Maitatu gure euskera
Artetxe, Eulogi
Jaungoikoa bedi
lenen maitatua,
maitatu bai ondoren
norbere urkoa;
bai eta gure erri
zarrenetakoa
eta gure euskera
bardingabekoa.
Jaunak euskaldunoi
bein emondakoa,
gure asabak gorde
ta maitatutakoa;
au dogu euskeldunok
geure egitekoa,
nai ba'dogu jadetsi
zeru betikoa.
Ta norbaitek ba'diño
«Maite dot Jainkoa,
baiña ez dot maitatzen
or esandakoa»,
maitasun ori ezta
biotzetikoa,
azalekoa baiño
ta guzurrezkoa.
|