Belen'go seaska ondotxuan
Artetxe, Eulogi
Gizaldien gizaldietan
bein jazoten olangorik,
zerutik jatsi okullura
Jaungoiko bat! ume-egiņik.
Au dogu barri ona...
Jaungoikoa ume-egiņik!
Au dogu barri ona...
Gurtu daigun auspazturik!
Galduak giņan errukarriok
jarri gaitu azkaturik.
Nor auspaztu ez Bere aurrean
esker onez txoraturik?
Au dogu barri ona...
Jaungoikoa gizon egiņik!
Au dogu barri ona...
Gurtu daigun auspazturik!
Zatoze, umeok, jolastutera
Ume Jaunaren aurrean;
otzez dagona berotu daigun
alkarturik inguruan.
Au dogu barri ona...
Jaungoikoa ume egiņik!
Au dogu barri ona...
Gurtu daigun auspazturik!
Ez dau iņortxok ikusi iņoz
au baizen Ume ederrik,
ezta itxiko pozaren pozez
mosuka danau jan barik.
Au dogu barri ona...
Hosana ta Hosana!
Au dogu barri ona...
Hosana ta Hosana!