Zeruko Amari
Artadi
Biotz gaxo au maite-mindurik
Abesti bat, Amatxo maite,
Lorazko itz eztiz txit apaindurik
Ene ezpanok josi nai dabe;
Urretxindorrak illargiari
Gau motelaren itzalean
Lelo samurrez, kanta-kantari,
Abestu oi dautson antzean;
Ibai-ertzeko lili zuriak
Kukulu bipilla zabalduz...
Ta baso-usotxo maitalariak
Biotz-zaurituzko zur-murruz...
Amatxo laztan! urretxindorrak,
Lili zuri ta uso ederrak
Barne-maitasun kanta-kantari...
Nor litzaken, ai! zure olerkari!!