Ordeka
Zabaleta, Pedro Martin
Laua laua
elurra
zuria kristala
txinparta bustia
ordeka berdina
zuria
geratua
nekeza.
Aizea
begiak
Urrutiraino
Laua zuria.
Udazkenean udazkena
gorria
erromako zubia
mendietara jausia.
Urdina
morea
orlegia
oria
gorria
guzia.
Gizon bat doa
grix
ta emakume bat doa
poxpolin
parkeko bidetxigorretan
amets guztietan
erromako zubia
bihotzetara eroria
urdina
morea
orlegia
oria
gorria
guzia.
Melodia ezaguna atzerrikoa
-nongoa zera uxoa?-
hitz ulergaitzak
bainan karraxi bat.
***
Hitzak falta direnean ixildu
hitzik ez denean
hatzaparrak erabili
hatzaparrik ez denean
bota burua
bururik ez denean
Amen.
***
Ekaitza, tximistak, trumoiak,
ura, euria, elurra, kazkabarra,
hodeiak, izarrak, eguzkia,
oinak, belaunak, ipurdia.
Exeri ta kitto.
Begiak saldu.
***
Harritzen naute hostoen misterioak
harri koskorrak, katuak
etxeak eta bonbilak
umeen jolas biziak
aitonen begi hilak.
|