Lurdes'ko ama'ri
Olabeaga, S.
Zure oņetan, Ama, poz-malkok ixuriz
nagola, alboan daukat Gave intziriz.
Aspaldiko itxaropen xamur-gogoak
sortutzen dizkit begietako malkoak;
barrungo zotiņak gogoak.
Lurdes'ko Ama maite, lili zurizuri,
gizon ilkorrentzat lore lilluragarri,
Zure aurrian neurtitzak nai nituzke egin;
motel arkitzen naiz, eta Zu gabe ezin,
Zu bai zera nere olerki.
Zure eztitasuna maite iturri osiņ,
Zure elur zuritasuna poz-atsegiņ.
Erbesteko naigabe guzien sendakai,
Zure begi-irripar gozo nituzke nai;
Zu irrika bai nago orain.
Zutzaz oroitarazten naizen bakoitzean
barrua diat goizeko edertasunean.
Aize epel, eguzki erraņu gozoekin,
suma dut Gave'en eresi leunekin,
AMA, irri-par xamurrekin.