Zergattik?
Krutwig, Federico P.
Aurrera doha gudario bethi
Eztaki bannan zer dan nai duena,
Bere begiek lanno gaiztoena
dadukate ta.
Zer dan gudua triskatzea baizik'
Zergattik hiltzen herriko semeak'
Zergattik nigar gure alhabeak'
nihork eztaki.
***
Zure begi beltzetan'
nire zoria
ikhusi dut benetan'
zure begia
bai-tago nire baithan.
......................
Gizonaren jakintza
itsasoko uin bat bezelakoa
bethi beko lurretan.
Nihork eztaki zein dan
Ta suntzitzen da ikhusi banno lehen.
......................
Ezereztik gathorrtza-
ezer ezkera-
ezerezerat gohaz
zer da biziau
gezurr bat baizik?
......................
Guztia gezurra da;
dena irudia;
eztagoz ez gizonik;
ez arimarik;
dena atzipea da.
......................
Begiez aurrerantza
mundua doha;
Bihotzez atzerantza.
Gizonan kosmos
Gogoz norat doha ba?
......................
Gizonaren jakintza
txarr ta txikia
gogoaren ergiaz
aintzina doha.
Berakin garamazki?