Bideratu nadin
Muniategi'tar Sabin
Bideratu nadin egun-egunera,
onezko, ederrezko, maitezko egun,
alegin biziminduzko bidegintza,
itxaropena darion goiz argira.
Atera nadin gogoz, zintzotasunez,
azkatasunaren bide nekegarriz...
gizarte, aberri, zuzentasun alde,
iņoizko bidegiterik alkartuenez.
Argi ta garbi, maitezko izkilluakin
io ta ke, bideratu nadin bai, pozez;
bideratu nadin gogoz, gau ta egun,
ele bizi baten langallu sendoakin.
Ta, ots ene oņok, ots! Zuzentza bidez
illuna ezetsi, sasiak sutaratuz...
Ots, eskuak alkartu, besoak zabalduz,
bide berritzezko ekite ederrez!
Ots ene oņok, ots! Kementsu ta sendo ots!
Izan miņezko alkargintza maitez...
Giza alde, Aberri alde... iņoizko
bidegite, ereintzarik bioztuenez!