Colombia
Jorge Isaacs
euskaratzailea: L. Akesolo
Purace, suzko mototsaz, orra ikustekoa
urdamiņeko gaualdi urdin oskarbietan;
Argin Nausiak oņatza itxi dau aren suetan.
Ez da besterik: Jaun Andiaren oņatz suzkoa.
Aren argitan inguru dana da argiagoa;
dana dauka urrez bai ibar eta bai mendietan;
aren ostotsa ez da, ostera, beko ibarretan
durdurakume ikarati bat izutzekoa.
Ipurtargia besterik ez da aren argia,
Colombia, zuk buruan dozun orren aldean;
lupetz zikiņa da gain artako edur zuria.
Colon-en mundu osoa dozu zuk begipean.
Ta zerupean iņon baledi iņoz jopurik,
Bolibar-ik be agertuko da zugan sorturik.