Min dut biotzean
Gazte'k
Barnean zast-zast,
taupaka
biotzak arnas.
Ikus nere
oņaze garratz.
Ixil magalean, arratseko
aize miazka,
kezkati egonaldi estuan
emen nago ba,
biotz-barneko
eskutukiak aztarrika
Zerbait sumatu det
biotz-barru
onetan txit samingarri.
Baņan, al dakit
bada, zer danik
samin ain zorrotz, ain bizi?
Barnean zast-zast,
taupaka
biotzak arnas.
Ikus nere
oņaze garratz.
Goibel dut gogo,
begiak malko.
Ai! nere biotz gaxo...!
Ataun-go Joxe aixkide nere,
ill dan edo... kezkati nago...
Barneak zast-zast.
Ikus nere
samin txit garratz.
Nork ba samiņa,
nork bai nik aņa,
mingotz, latz, etsi-eziņa?...
A!, lagun laztana,
poz xamurduna,
ar bekik ene otoitz biguņa
Taupaka biotza,
estu dut arnas.
Begira ba nere
oņaze garratz
|