Parisen
Iratzeder
San Iņazioren egunean
lehen botuen kaperan
Parisen, Jauna, zer harrabotsa
Nola bidetan ez lotsa?
Parisen, Jauna, zer harrabotsa
Nun aurki loa, nun hatsa?
Parise-pean, burrunben pean,
Jainko xorta bat bezala.
Hiri burrunben hertzen barnean
Kaperaņo bat ixila.
Parisen, Jauna, zer harrabotsa
Nun aurki loa, nun hatsa?
Parisepeko kaperaņoan
Multxo bat gazte zen jautsi,
Orai lau mende, oso osoan,
Eman beharrez Jesusi.
Parisen, Jauna, zer harrabotsa
Nola bidetan ez lotsa?
Hiri burrunben itsasoeri
Jainko xorta nausi zela,
Parisepean begiak argi
Hor zen Xabier, hor Loiola.
* * *
Parisepean burrunben pean
Kaperaņo bat ixila
Hor jauzi xorta, jauzi gaitzean,
Denak loratuz dabila.