Apaiza ta tea

Basati

 Ba genduban len osaba apaiz bat

 gizon txit buru argiya,

 berialaxe asmatzen zuban

 gezur artian egiya.

 Euskaldun apaiz jatorra izanik

 txokolate txit lodiya

 nai izaten zuban arratsaldian;

 ezta pekatu aundiya.

 Ona bein arek esandakua,

 —eztet asmatzen gezurrik—:

 aberats baten jauregiyan zan,

 etxeko jauna diturik;

 «tea nai al du?» —galdetu ziyon

 andriak urreraturik:

 —«eskerrik asko, etxekoandre,

 baiña enago gaixorik.»