Agian Unibertsoa

Juanra Madariaga

 Hemen da guzia

 isladatu behar den tokia,

 non espazioek norberaren

 buruari buruzko galderak

 planteiatzen dituzten,

 non ezerezaren kabidade

 neurribakoa urrutiratzen

 susmatzen dugun,

 non azalpen batek, beharbada,

 defini dezakeen bornuan

 senditzen den

 ahuldade hau.

 Egia esan, hemen da

 eskapatzen garen lekua

 eta bersortzen garen pundua.

 Agian unibertsoa.

Orduan senditzen

 Arratsalde garbietan

 ilunabarren aitzinean soilik, ahal dut idatzi

 Beren koloreak duen nagusitasunak jaten nau

 osoki.

 Nagoen alde hau trasladatzen da gero,

 izatearen espazioa erabat atenporala

 bilatuz.

 Orduan senditzen dut iragana eta antzematen

 dut izangoa.

 Gero, zorabioa, durduza, ahuldura...

 hitzak.