Bi poema, Mikel Zabalzak eragina

B. S. I.

           I

 Ur gainean agertu zinen

 fantasma bat antzo:

 jitoan,

 gure malko gainean.

 Zure itzalfak edanen ditugu

 eta, geure gogoetan,

 argitasuna bihurtuko dira.

           II

 Heriotzarik tristeena

 opari egin digute.

 Zerbaiten alde, zerbaiten kontra,

 hil direnak,

 bizitzaren agortean ikusi ditugu

 —lehorrean loratzen denean,

 heriotzak ditu koloreak—.

 Baina zu, uretan, zeren alde,

 zeren kontra,

 hil zaituzte?

 Nenufare etenak,

 urak narraz egina,

 ez digu eskaintzen

 zurbiltasuna baino...

 Heriotzarik tristeena

 opari egin digute.