Auhen kantu hau (1965)

Zuhaneta, Rafael

 1

 Auhen kantu hau kantatu gabe nihundik ere ez nauke,

 Eskual-Herriak auhen kantuez inharrosarazi arte:

 Balinbadira gizon zintzoak, orai tenore lukete:

 Arrotzen petik gure Herria noiz atera gogo dute?

 2

 Arrotzen pean Eskual-Herriak aspaldi huntan dirade:

 Bekatu bakar bat omen dugu; izaitia abertzale!...

 Eskualdungoa utzi dezagun jakinarazi dukute,

 Edo bertzeta presondegiez saristaturen gaituzte.

 3

 Presodegia maita saritzat balinbadut merezitu,

 Ene Herria, ainitz bezala ahanzten balinbanuzu...

 Ez otoi ahantz libertatea ezin dela estekatu,

 Libertatea goiz iruzkirat Euzkadik hartzeko baitu.

 4

 Ene semea, erranen die Aita presoner dukala:

 Ehiz beharko ez ahalgetu aita izanikan hala!

 Herriarentzat preso johanik ikasak ohore dela;

 Indarrez bete behar dukata Amaren bihotz goibela.

 5

 Bihotza goibel nola negua duzu, andere gaixoa:

 Pena-saritzat zer ote nuke baizikan amodioa!

 Urraturen da odei iluna gure zeruan dagona,

 Eskual-Herria presondegiko giltzen hausterat baitoha.