Nahi nuen kantatu
Zelhabe, B.
Nahi nuen kantatu,
alegera partitu,
bainan zer bihotz mina
ene baitan da piztu.
Ene bihotza nola
nola daiteke kontsola?
Norat hoa untzia,
norat utziz Frantzia?
Norat hola daramak
orai nire bizia?
Ba goazi tristeki,
Ameriketan kausi,
ustez gure gozoa,
esperantza zoroa.
Zerek nau lilluratu,
hola zerek engainatu?
Egiazko onak utzirik
itzala dut hautatu.
Eskual Herrian sortzen,
Ameriketan hiltzen.
Ai, zer sorte dorpea
orain dutan bilatzen!
Eskual Herri maitea,
Herri paregabea,
hiltzea da neretzat
hi gabe bizitzea.
Adio, ama maite,
galtzen zaitut zu ere.
Ni zugandik urrunduz,
zenbat biziko zare?
Egin dutan botua,
baldin betetzen bada,
laster itzuliko noiz
ama ona, zuregana.
|