Alegrantzia onakin

Zabala, Antonio

 Alegrantzia onakin

 asten naiz kantatzen,

 jarri zaitezte orain

 guztiok aditzen;

 esplikatuko dizuet

 zer zaigun pasatzen.

 gure erriko seme bat

 orzaigu azaltzen.

 Españi'ko onena

 muturrak apurtzen.

 Au da gure erriko `

 Osa'tar Mateo,

 aitze aundia daukagu

 au izan ezkero;

 muturrak apurtzalle

 asia da bero

 oñ artian bezela

 portatzen ba gero,

 danak apurtuko ditu

 orrek onezkero.

 Amak egin du ori

 orlako semia,

 indar aundikua ta

 entero puertia;

 itxurako gizona,

 altua ta gaztia,

 ondo egiñak dauzka

 detalle guztiak,

 diruz ez da pagatzen

 orlako kastia.

 Oraindikan denboraz

 entzungo'itu bozak:

 irabazi duala

 Mutrikuar Osa'k;

 orren esku-muturrak

 dira aproposak,

 ez nuke nai nik artu

 aren zartain otsak,

 laister kenduko lizkit

 len dauzkaten ortzak.

 Orain artian ori

 ez dator itxusi,

 kanpeonatua du

 laister irabazi;

 ori abonatzia

 ez al du merezi?

 Naiz-ta gizon batzuek

 ezpadute ikusi,

 arek bezela jotzen

 guk eziñ ikusi.

 Jokua izentatu zan

 illen irurako

 Atxurrak luzatu zun

 berriz amarrako;

 Mateo pamatuak

 ez du ukatuko

 nola arreglatu ziran

 Bilbo'n jokatzeko,

 orren aurrera lasai

 etzan etorriko.

 Eguna allegatu zan

 illen amarrian,

 jendia bazan pranko

 Bilbo'ko errian;

 Mateo animoso

 plazaren erdian,

 etzaukan bildurrik bate

 bere barrenian,

 Atxurra saludatzen

 jokatu aurrian.

 Gero Atxurrarekin

 asi zan jokatzen,

 Mateo geio zanik

 etzuten pentsatzen:

 berialaxen Osa'k

 zioten igartzen,

 hasi zan bestiari

 ederrak ematen

 eskua gora altza ta

 oberi zioten.

 Jokua abandonau ta

 Orla gelditzeko,

 etzaukan esperantzia

 irabazitzeko;

 ortaxe juaten dira

 plaza jokatzeko,

 esku edo muturrak

 alkar apurtzeko,

 gogorra ta puertia

 zein dan probatzeko.

 Atxurrak esaten du

 eskua sendauta

 berriz jokatutzeko

 esperantza dauka;

 Mateo konporme da

 beldurrik ez dauka.

 berak nai duanian

 eguna izendauta.

 urrengo lako den berriz (sic)

 muturra soltauta.

 Orra gure erriko

 Mateo puertia,

 orrek beti izan du

 ortan suertia;

 ortakoxe egiña,

 berez balientia,

 orlakuak merezi deu

 abonatutzia,

 ori data merio

 Mutriku'k aitzia.

 Orra amabi bertso

 Mateoi jarriak,

 azañak egin ditu

 ikaragarriak,

 ondo gogorrak dira

 orren aragiak,

 merezi du ta «Biba

 kanpeon jarria!»

 Orrkk onratu digu

 Mutriku'ko erria.