Bishente Chichos eta Pachi Achuri
Uranga, Juan Ignacio
Gaur dek saldun-iñauti
ta biyar zampanzar
zomorrozko egunak
jasteko, zarpazar;
Nik badizkiat galtza
zirazko autziyak,
nere aitona zanak
ganbaran utziyak,
ta nai badek, Achuri,
i "re presta ari,
farrak eragiteko
gazte jendeari;
ondo esaten dirak
lagun zar Bishente,
guri begira egon-
go dek zembait jende;
bazekiat aizela
arrazoiz jokatzen,
geralako gu biyok
ederki jostatzen;
bañan dirurik gabe
nola naizen arki,
gizona bromarako
egoten dek charki;
eta nayago diat
jokatu garbiro,
irteteko lagunen
artean argiro;
bañan ¿zertarako dek,
achuri, dirua,
emateko meresi
oi duben jirua?
¿orrenbeste ikara,
sartu dik gastuak...?
mutill, jasoko dizkik
shakion astuak.
|