Alper-andi eta egoarri nagusi-morroyak
Ur-zale batek
Nagusiak.
Amalau dukat iri
Bazeuzkat emanik,
Oyen erdirik ere
Ez dek egiñ lanik;
Ayek emana ere
Damu dit bai nik,
Zergatik ez dagoan
Irekin gauz onik.
Morroyak.
Nerekiñ ezpada-re
Gauz onik izango,
Morraletik ez dizu
Zuri iñork jango;
Soldatak artu gabe
Ez naitzatzu joango
Dantza-erazo gabe
Naikua pandango.
***
Nagusiak.
Oso maite zaitut nik
¡O nere morroya!
Baña maiteago zuk
Dezu zure oia;
Egiñagatikan nik
Goizero sermoia
Lanerako zera zu
Alper zere-koya.
Morroyak.
Zu zera Alper-andi
Ni naiz Egoarri,
Askocho nai diogu
Guk biok elkarri:
Baña alare gera
Ibilliko larri,
Ezpadiogu gogoz
Ekiten lanari.
|