|
Euskara eta kirolak
Sarasua, Jon
Bertso batzuk kirol ta
euskerarentzako
ta ez alperrikako
alabantzarako
iritzi bat jakin nahi
duanarentzako
azaldu nahi nuke zer
diran neretzako
hamasei urtetako
mutil batentzako
Mundu hontan gabiltzar
gizakume denak
zerbaitekin beteta
dauzkagu barrenak
kirola ta euskera
dira nere senak
nere izaeraren
barnean daudenak
nere izpiritua
osatzen dutenak
Euskera dago nere
izaerarekin
nere jaiotzatikan
euskeraz det egin
ta bera gordetzeko
saiatu alegin
euskeraz pentsatzen det
euskeraz hitzegin
hargatik ez diot nahi
sekula utsegin
Nik kirolarekiko
dedan maitasunez
ohartuko zerate
bertsoak entzunez
nahiz hontan betea ez
izan gaitasunez
betetzen digunez
gorputza berriz sasoiz
eta osasunez
Obe dugu kirolak
egiten hastea
honen helburua ez
da irabaztea
berdiņa egitera
bultzatuz bestea
gure kultura zein dan
adieraztea
Arrazoi bat, gazteok
kirolzaletzeko
gaztedia geldirik
gaur ez usteltzeko
aurreko bizitzari
gustura heltzeko
lagungarri bat baita
fruitua heltzeko
ta gizon izatera
jolastuz heltzeko
Euskera degu gure
kulturaren funtsa
eta kirola berriz
lantzeko gorputza
ta hauek biak igo
ditezen gorputza
beharreko da batak
besteari bultza
biok behar bait dute
elkarren laguntza
Euskera ta kirola
daudela lotuta
biak daude kultura
arrotzak nahastuta
erderak ta fubolak
dute zapalduta
bakoitzak gaur arazo
berdiņak ditu ta
gora irten daitezke
elkar lagunduta
Euskera ta kirola
daude elbarriak
pasa behar dituzte
momentu larriak
hau konpondu beharra
du Euskalerriak
hauek bait dira gure
ezagugarriak
gure sustraiak eta
gure oinarriak
Gauza bat dala eta
daukat atsekabe
euskera ta kirola
dabiltzala grabe
daude atzerritako
kulturen mirabe
izan gaitezen gure
buruaren jabe
dauzkagun ondasunak
galtzen utzi gabe
|
