[Bertsotan]

Sarasua, Ion - Izazelaia

 S.

 Neretzat behintzat egin duzun,

 da hilketa bat itzela,

 eta zuk ezetz uste dezu ta

 sinesten dezu horrela,

 dakigu denok norbait hiltzea

 betiko pekatu dela,

 ta jaio baino lehen moztutzea

 izan ez balitz bezela.

 I.

 Denbora pasa izango zena

 semea edo alaba,

 haunditutzeko nik jarri diot

 lehendik heriotzez traba,

 hori haunditzen eta bizitzen

 inolaz nik ezin lapa,

 bestela ere lau umetxokin

 banuen nahikoa karga.

 S.

 Eritzi txar bat hartu dezuta

 oraindik dezu mantendu,

 buruak gaizki dijoaz eta

 beharko ditut zuzendu,

 berekoi denak mundu honetan

 sarri hori egiten du,

 askatasuna eduki dezan

 izan ez duena(r)i kendu.

 I.

 Gizasemeak bere kalteko

 jarritako erregela,

 nik pentsatzen det ongi egina

 dagola hori horrela.

 Jainkoak Adani kendu zion

 Paraisua bezela,

 bizitza hori nere haurtxoa(r)i

 ken diezaioketela.

 S.

 Lasaitxoago bizitze arren

 hori dezu erabaki,

 hau berez oso kaxkarra dela

 gizon den guztiak daki,

 feminismo ta holako gauzak

 zutzat hartuaz aitzaki,

 jaiotzen dagon kimu berri bat

 nola liteke ebaki?

 I.

 Kontra dadukat alde batetik

 erlijio ta jueza,

 zulo hontatik gaur irtetzea

 ez da izango erreza,

 famili batek bere semea(r)i

 eman lioke babesa,

 bakoitzak bere bizimodua

 amak erabaki beza.