Azillak ogei ta bost
Oletakoa
Azillak ogei ta bost,
ta santa Katalin noiz
besigutarako goiz,
Eriotzentzat ez iņoiz.
Ta antxe,
Sukarrietan,
euri lantxe
ta negu giroetan,
olatuak samurtuten diran
ondarraren gaiņeko etxetan,
Eriotzea ibili da
erruki bagako laztenetan.
Kanpaiak jo ditue
iru dobletan,
gizon ezaupidetan;
iru ala bost jo bear ete
otoi esketan
aberriaren aita danetan?
Semerik ez eukan,
anaiak bai,
aberriaren semeak
danok gara anai.
Zabaldu da ezkilla,
Sabin dala illa,
ta gizonak, ots, ots,
bideetan datoz.
Eundaka asko gizon
begiak puztuta malkoz,
Sabin ikusten illotz,
sinistuteko be egotz.
Sabin,
Euzkadiren alfa
eta beta;
Itxarkunde arnas
ta poeta.
Sabin,
biotz eta gogoz
gure profeta,
il aurrez ta geroz
gure zeta.
Il da Sabin.
Sabin
il...
Sabin...
Esan bearrik ez
Euzkadin.
Ixo ezkil,
ixi kanpai;
Sabin il,
bakigu be!.
Bera be be ebillen
orren nai.
Bera ebillen eskinka,
gure kontzientziari deika,
errieren biziari minka,
uluka ta zotinka...:
Il naiago dot,
il naiago,
ikusi baiņo...
nora eskein zara, noraiņo?
Eriotza ta amaia
erabili dozuz
zure eskintza orde.
Bete da zure naia.
Gure kontzientzia
esnatu da ta
Iruntsiko dau
opari orren dela.
Ikus gizonak,
gure aitonak,
gure aita ta
ama-amonak,
agur
esateko
eztarriak
biur.
Euzkadiko lurra
eskiņi dautsue
aparka ta apurka:
or erri agurra.
Lurra ta otoia,
azi ta fedia...
Eriotzak bizi bat moztu,
gizonik onena ostu,
baiņa ezin gaindu
biziaren iturria.
Euzkadik bere lurrean
gordea dauka sukarria,
sukarri onek berpiztuko dau
maite dogun aberria.
Sukarria,
gaur arri
ta biar argia.
Gaur Sabin,
samin
eta min,
ta biar erria,
gar barriz
Aberria.
Azillak ogei eta bost,
Sukarrietan Sabin Illotz,
bizien pausoak ots, ots,
negar, agur ta otoitz:
Geroarte...
egun andirarte...
Ez dira illeta,
eskintza dira,
odola darioela
fedez egiņak.
Promesak,
euskal penak,
danen gaiņetik
beteteko menak.
Egun andirarte,
azkatasunerarte...
Promesa;
batek eta bestek
eta geiagok.
Sabinen inkesa
iruntsi dabe
il baiņo lenago.
Biziaren katea ez da eten,
ziur egon Sabin,
gure promesak egingo dautseten
zutik dan Euzkadin.
Lo egizu, Sabin, Sukarrietan,
erria piztuko da ta garretan.
|