Edale garbia
Otaegi, Klaudio
Bi katu arraiekin
Salcha bat egiñik,
Zintzur ta Zurrut ziran
Atera echetik.
Nola asi zan Zubichon
Sagardo ederra,
Egiñala zijoan
Jende guzia ara.
Zurrutek esan zuan:
-Adi nazak, Zintzur,
Edan bear dizkigu
Ogeina baso gaur.
-Esaten duten beziñ
Ona balitzakek,
Eupo egiñ artean
Utziku ez nikek.
-Ona, motell, non dekan
Pachi Sabelaundi,
Nolakoa dan galde
Akiok orreri.
Zazpi erri oetan
Ez dek iñor trebe
Choch berririk asteko
Orri esan gabe.
Ao gozatsua ta
Eztarri leuna,
Famakoa dek noski
Orren irizpena.
-Arratsalde on, Pachi,
¿Zubicho aldetik?
-Asmatu dek, nentorrek
Alderdi artatik.
Baña nola jendadi
Aundia dan bildu,
Bigar itzuliko nauk
Jainkoak nai badu.
-Emen geran ezkeroz
Progatzera goaz:
¿Dioten beziñ ona
Ote da egiaz?
-¿Nola esango diat
Charra edo ona dan,
Iru pichar bakarrak
Badizkiat edan?
|