Gaztaro
Onaindia, Yakoba
Bizitz-mailadian ba-da gelune bat
Gizonok errotsu maitatzen doguna
Gaztaro sorgiņa, goitiko altxorra,
Eskar yarioka barre dagiskuna.
Baiņa oar, Gazte; ikuskezu ondo
Len loran egoan sagasti mardula
Orra ainbarik orain; itunean datza,
Soil, igar, bizige, il-zapi gain daula.
Gorbet ez daukagu beti txapel zuri
Ezta Eretza be odei-moltzo arrez.
Aro ori laburra dok, iraitzekoa;
Zerbait atsedendu, ta yarrai bearrez.
Baiņa ik, kaskarin lez ergel, eugan dagik
"Poz-aro yoagu, betor atsegiņa;
Irrits-ala, yosta-ardoa dadagun,
Azkeak gaitezan oian-sai adiņa."
Ta besteratuko aun erio-untzi
Nundikan dabilen bai al dakik, gero?
Ara: gaur, lurruna-bide, bizkor gabiz;
Ainbeste ostera yagizak unero.
Ardurage ori, abil bildurpean.
Untzi gaizkor ori el oi dok ixiltsu,
Ebasle gisan, ta txisturik yotzeka.
Bide-zorroa gert ez-ta, dei ba-zaitu?
Zorro-gertokia ba-degu arean;
Masti beti yator,-Eleiza kistarra-.
An sar ta gabiltzan, naitara dastatuz
Aienen odola,-yainkozko eskarra-.