Peisant baten abisuiak mera izan den bati
M. D.
1
Chantiago, Chantiago,
Ehiz mera gehiago;
Kendu hite konseilutik
Guziek hastigaturik.
2
Egin die azkeneko
Ein beharra lehenago
Gelditu hiz penarekin
Hamar zehe sudurrekin
3
Ez duk bilduko presentik,
Ez izanen gomiturik;
Alde utenak itchuraz
Itzuli zaizkik gibelaz
4
Adarrak sar-zkik barnerat,
Ez ager gizonetarat:
Irriz jokaturen hite,
Ez bahiz gordetzen fite.
5
Orai baduk asti frango
Atsoekin jokoan artzeko:
Horra hire konpainia,
Hire kontsolamenduia!
6
Atso horien, moltsatik
Ez duk jalitzen urherik:
Bethetzen die ordainez
Hire sala dena phutzez.
7
On bazauk gizentsu hori
Plazer hortaz goza hadi
Pen'eiten badauk usainak
Sudur handi hoi tapa-zak.
8
Gero, harturik chamarra,
Habil aberen zaintzera;
Hortako hintzen sortua,
Ez gidatzeko herria.
9
Ein behar tik lan arruntak
Bertzelako gai ez denak:
On ez den astoa zelako
Zerbitzatzen duk phastako
10
Ene bertsu grosierak
Barkatu beharko daiztak:
Lenguaia pollitagorik
Ez zakiguk ez hik, ez nik.
11
Diote pleini hizala
Martira bahintz bezala:
Gu denak zerriak omen,
Hi mera ez nahiz hemen.
12
Ez baduk bridatu nahi
Mihi pozoinatu hori,
Bertze kantu bat geroko
Badiat prest hiretak.
|