Antzarazaina
M.C.
1
Batean gibeletik, gero aintzinetik
Antzarak deramatza urhegi-hegitik;
Hauk andarka joaki, karkara mokotik;
Berak lana dilindan galtza-orratzetik...
2
Neska antzara-zainak urdinik begia,
Ur-hila bezalako kliskarik gabia;
Buru-muina ere lo, burdin iduria,
Ezpaitzaio argitzen den mendren ideia.
3
Arroila-bazterretik zonbat lore deika,
Haren eskuetarat hurbildu nahizka:
Bainan gure gaizoak bihotzik ez dauka,
Edo du odol xuriz bete zanka-zanka.
4
Euri ala atheri, ur-hegi beretik,
Horra gure neskatxa antzaren ondotik,
Batean gibeletik, gero aintzinetik;
Hauk andarka johaki, karkara mokotik!
5
Herritarrak urrundik zaizko urrikaltzen,
Ezpaitute nehundik auzia trenkatzen,
Ea neskak antzarak dituen gidatzen,
Ala bere antzarek neska deramaten.