Zazpi iluziñotan
Muniategi, Sabin
Ur tanta, ur-tanta, tantatxo,
soiñu geldoz jausten zarana:
Emoidazu zure tantana,
ameskizun zoriontsuzko
egitasmoa dakarrena.
Ur tanta, ur tanta apaltxo,
emoidazu zure margoa,
zazpi iluziñotan gero,
lora dedin maitasunezko
nire ortzi-adar, makoa.
Ipuintxoa
Lopez, Luis C.
"¡Gora bakea, gora bakea!" Olaxe
abesten eban kolibri
biotz-bera, bakun batek
lorarik lora...
Ta, txoriño gaxoak
ain zoriontsu abesten eban mapaná
suge izugarri baten
eraztun gañean...
Aldiberean papayo batean
guakamayo begi-oker eta
erdi-lotsabako batek
barre egiten eban astunkiro:
-¡Kúa, kúa!...
|