Txoriz jantzitako zugatz bati
Muniategi, Sabin
Eresizko berein kabiz jantzita
zugatza da txori-kaiola alaia
nundik dan isuritzen, margo ta
musika biurturik, udabarria.
Margo askodun ego garaikorrak!
Moltzozko abesti-ots, parrastadak!
Ostadar apurtu antzeko lirak
edo txiokadazko neurtitz goikorrak!
Bizitasun, zarata ta pozkario!
Bizia margoetako olerkian!
Maitetasuna dirdir, sugar dario!
Olaxe olerkaria, su ta gar,
txintaka, amesturiko bizian
odeirik odei ta, izarrik izar!