Sho-Sho erria
Muniategi, Sabin
Eundaz gitxi, apurrak,
Amerika altsuaren
barrutiz bizi diran
sho-sho seme zuurrak
ez dituzte ez beren
arbasoengandiko lurrak
saldu nai edozelan
umezurtz geldituren
Eremu lur pobreak
-petroliorik ez urik-
miseriz biziarren
bereak dituzte bereak
ta, arrazoiz beterik
izan ezik ba, obeak
nolaz ainbat nekeren
lurrak erabat utzi?
Ez da ori zillegi.
Eriotzadun misilak
deserriko dituzten
gudagai biribillak
nai dituzte ezarri
eremuan lenbait-len
amerikar sotillak
lurrak diruz erosi
Ara zer dion ango
sho-sho buruzagiak
argituz erriarengo
bai buru ta, begiak:
«ez gendun iñoiz galdu
gure arbaso lurra
ta, ez dugu salduko
gure bizi apurra».
«Odolekoa dugunez
ez da iñun dirurik
iankiek asmo txarrez
edota alabearrez,
erbestetu nai gaitun
erria erostekorik,
ain da geurea ta, kutun»!
|