Maiteminduak

Muniategi, Sabin

 Eguzkiaren izpidurapeko

 loraburutxo baten ganean

 jarri zan, maitemindurik zegoan

 urretxindorra.

 Bere maitasuna opa zion

 txoriño bati,

 zoragarrizko

 biotza dadukana.

 A zan goizaren zorakorra!

 Zenbat maitezko txipirripi!

 Baña, larrosa ederrak,

 bera maitatua izatea

 nai zuanak,

 erreminduta, itunik dago,

 txoriñoaren ingurumari

 dabillen urretxindorrarekin,

 tamalduraz, triste ta urduri.

 Ori esanaz gero,

 eztago

 zer esanik geiago,

 ipuiña amaiturik

 bai dago.