Goiz nabar urdin oneskorrez
Muniategi, Sabin
Goiz nabar urdin oneskorrez
orrietan musukor ta kantari
aizeak abots laztankorrez
dei dagitso Udabarriari.
Intzez, zelaiak dizdiz dagoz
eguzkiaz maitez, ederrik,
atsegiņezko negar-malkoz
goi-aldera itzuli nairik.
Goiza zutunik alai dago
eguzki besarkadapean,
iņoiz baiņo eder, ezeago,
lorazko usaindurapean.
Bizia goramiņez dator
gaztetasun zarata-otsez,
benetan indartsu ta, baikor,
asierako ameskizunez.
Dana dago musker, orlegi,
intz tantaz izarreztatua,
maitetasun gogoz, urduri,
itxaropenez txertatua.
Belaun barrien goraldi
neketsu ta, ikusgarria,
berein bizitza arazori
egitada barriz josia.