Epel eta euri-zirimiriz
Muniategi, Sabin
Une barria epel ta euri-zirimiriz,
itxaropenez datorkigu gozoro, samur,
lurra emekiro ta legun, apurka bustiz
ta, guk, ur-euri orri, agur dagiogu, Agur!
Joana dogun urtearen GABONZAR EGUNA
izan da, BARANDIAREN JAUNAREN EUNGARREN
unebetetze gogoangarri ta, ain kuttuna,
Euskalerri osoak omendua, ain pozarren...
Men dagiogu bai, eten bako jakintza lanez
erri ta euskera aldezko bizi luzean,
gizonki diardun jakintsu onen esker onez.
Argiak argi bedi bai, gure biotzak jantziz
eguntze bakoitzaren bizitzazko pozean
anaitasunezko emoitz, ogasun-etorkiz.