Egun urratze
Muniategi, Sabin
Lenengo txio txintadapean
urratu da zeruaren itzala
ta, esnaldiko urdin-arrean
egunbideak gorpuztu dira.
Landa, ibar ganetan, basoen
lurruna edatu da, gainbera,
ta, an, urruneko osertzean
illargia doa ostentzera.
Ba-dirudi egunaz batera
gure biotzak alaitzen dirala
ta, euzki argia datorrela
guri bizi-poza emotera!
Olaxe argi gozo legunak
bizkortzen ditu gure ametsak,
gure indar ta, itxaropenak,
obeagoturik gure izantzak.