Denpora illa
Muniategi, Sabin
Zutik iarri nai dut nire denpora illa.
Ilkutxatik atera aren ezurpil utsa
ta, ariari tenk egiņik ioan aren billa
aizeratuz orduko nire gogo ta, biotza.
Ez, nire bizitzako bideak ez dira izan
larrosazko lorategi bitxi, lurrintsuak,
baizik nekezko itxaso ta lur bazterretan
ametsik ametsera emandako pausuak.
Nintzanetara nakizute neugaz ibilten
berriro ildo maiteetan zerbait berbizteko
gogoa murgilduz alako uneren baten.
Egun gaizigezen izandakoz nortu nadin
zerbait begigarri, onuratsu txastatzeko
gazte-itxarokor nintzanean ain pinpirin.