|
Antxumea
Muniategi, Sabin
Antxumea bazkatzen,
jauzika dabil, arin,
belardian jolasten
goizeko euzkiarekin.
Nora oa arakin
aizto zorrotz orrekin?
Ai!, au aizearen otza!
Arakin, nun dek biotza?
Ai, antxume, antxume!
Alde emendik azkar,
arkaitz-gora, urrune,
igaroz zelei ta, lar!
Oa, korri ta korri
ta, egon bada, ixil,
arakiņa etorri
ez dedin koldar, ozkil.
Zuzentasunez beti
bizitzaren pozgarri,
gizonak joka bedi
lagundurik alkarri.
|
