Aduna'ri
Mujika
Amasa'aldetik ifar aldera
ikusten zaitut Aduna
lore tokian lilia bezin
apaņa eta ezaguna
begi garbien argitasuna
biotz ixillen laguna
zeru goiari begira zauden
erri polit euskalduna.
Etxe tartean punta zorrotz dun
eleiza ageri zaizu
apaingarritzat zerua eta
ainbat izar dizdiratsu
alkar maiteak izatekoak
gera munduan ni eta zu
gogorapenik ederrenak zuk
gogoratzen dizkidatzu.
Bidaldu bitza sarri gugana
zure eleiza zorrotzak
Jaunaren deia esan nai duten
kanpai eder oien otsak
lo-zorrotikan esna gaitzala
goitar usai orren pozak
zabaldu gure begiak eta
jaso zerura biotzak