Luistar

 Lurrikara ta tximistak diran

 garai oyetan bildurtzen,

 guztiz errazak izan oi gera

 t'ez naiz batere arritzen.

 Norbait asarre ote daukagun

 asiak gaude nabaitzen,

 gure indarrak utsak bai dira

 Jaunak ez balu laguntzen.

 ***

 Maria'n Alabak eta Luistarrak

 otoizlari ta goiztarrak,

 izan gaitezen zintzo t'apalak

 iñoiz ez arro-baldarrak.

 Ondo ibiltzeko Jaunak emanak

 ditugu diru t'indarrak,

 udaberrian baratz-garbiak

 oi ditu lore ederrak.

 Jesus'en Biotz Billerakoak

 badegu zertzaz alaitu,

 Jesus'ek, bada, Bere Biotzean

 guztiok gorde nai gaitu.

 Gure biotzak oso-osorik

 Beretzat ditu eskatu,

 Berak emanak nola dauzkagun

 ez gaitezen, ba, gu aztu.

 ***

 Agurtza Deuna zaletasunaz

 esaten duten guztiak,

 eskeintza ugariz saritzen ditu

 zeruko Ama maiteak.

 Barkapen asko ezarri berriz

 Erroma'ko Aita Santuak,

 otoizlariak ezpairik gabe

 maiteko ditu Jainkoak.