Izpiritu donearen jechieria

Madina, Eustakio

 Igo-eban Kristo goiko gañetara,

 Barriz bere lengo etorlekura,

 Guri emoteko asnasa dontsua

 Aitaren emokai gozo-gozua.

 Lurraren burpillak ekarren jiraka

 Itzuli-inguru zazpi eginta,

 Zorion denporak gogora dakarzan,

 Zazpi toleseko egun aundia.

 Argiaren ordu irugarrenean

 Dun...bru...un dau turmoiak goietan iotzen,

 Eskez egoazan Jainko-bialkinei

 Jauna etorrela iakin eraiten.

 Aitaren surtako sugarrez Kristoren

 Gizonen bularrak dire beretzen,

 Beroz isotuta, indar sendoturik,

 Eztarri motelak berbetan iartzen.

 Asnas-dontsuaren aise boladagaz

 Beteta poz-pozik dire iminten

 Jainko aundiaren egite aundiak,

 Miñak askatuta, esaten asten.

 Atenas, Erromak, erbestetakoak

 Surta lur eginda, deutse entzuten,

 Norberak norberen izkuntza, berbetan;

 Erriko bati-lez berba egiten.

 Orduan Judea siñistebakoak

 Biotz-illun eta amorratuak,

 Ardoz beroturik, diño, dagozala,

 Barurik egozan, Kriston-jarraillak.

 Egite aundi ta mirarizkoakaz

 Deutse Pedrok isten aotzar baltzak;

 Joel igarleaz ikuseragiten,

 Guzurti direla, oker, geiztoak.

 Jaungoiko Aitari onore, gorantzak,

 Eta illpiztu-zan Seme Jaunari,

 Eunki guztietan Atsegiñ-emole

 Pozgarritasunak dakargunari.