1970gngo. estropadak

Loidi, Paben

 Milla bederatzireun

 irurogei ta amar

 garren urtean giñan

 galdez etsi xamar:

 Oriyo'k ez ote zun

 lengoratu bear,

 banderak jasotzeko

 Kantauriyan zear...?

 Balizen gora-bera,

 ertzak edo erdin,

 gaindiko al dunentzat

 denak dira berdin.

 Ur illetan bezela

 zakarraldiakin

 oriotarrak jantzi

 dira txapelakin.

 Santoña'n gure lanak

 erabat arritu,

 ontziagatik zala,

 noski, ez meritu;

 ta gero Donostia'n

 denak errenditu.

 Olako astinduak

 erri onek ditu.

 Orio txit aurretik,

 Lasarte zan gero,

 Ondarrabi urrena,

 laugarren Xubero,

 San Pedro ta Zumaya,

 San Juan atzero,

 azken donostiarrak,

 etzuten espero.

 Estropada jarri zan

 oituraz aparte,

 itxas aundiarekin

 alkar autsi arte.

 Lan aundi ortarako

 talde au dakarte:

 Xubero, Donostia,

 Orio, Lasarte.

 Getari'tikan asi

 ta Donosti'raño,

 ez bait zan estroparik

 joka oraindaño.

 Ikus-giro txarra zan,

 lambro eta laiño;

 obea nai litzake

 izan genun baiño.

 Taldeka bota ziran,

 jarririk propiyo,

 beste danak aurretik,

 aizkena Oriyo.

 Laiñoak Altxerri'ri

 ajolik ez diyo,

 Mendizorrotz baiño len

 egin du ariyo.

 Juradua larri zan

 kronometratzeko;

 Oriyo'ren atzetik

 zein dan jakiteko,

 prismatikoak bear

 ziran ikusteko.

 Nagusitasun ura

 etzan sinisteko.

 Oriyo lendabizi,

 Lasarte urrena,

 Irugarren Donosti,

 Xubero aizkena.

 Laiño-pean joateko

 Altxerri'k du sena,

 brujula txaloparen

 atzeko kirtena.

 Igeldon jarri zuten

 Akelarre-sari,

 Donostin lenengo ta

 lasterren zanari;

 premiyo auek ziran

 danen zirikari,

 eman dizkiotenak

 gure txalopari.

 Pedreñak azalduaz

 geiegi kalparra,

 Koruña'tik zetorren

 kantari oillarra.

 Santoña ta Bilbao'n

 kukurruku txarra,

 Oriok lau alditan

 jo dio adarra.

 Pedreña ori genun

 «Kampeon de España»,

 sari merkea noski,

 dalarik apaiña.

 Titulorikan gabe

 Orio zan baiña,

 buru-txortena kendu

 dio, alajaiña...!

 Portugalete'n zaigu

 lertu aien miña,

 oinpean zapalduaz

 gure ikurriña.

 Erronkak ez du jazten

 iritxi-eziña;

 itxusi gelditu da

 basatien griña.

 Bein edo bein txapeldun

 izanak ba dira,

 geroztik geldituak

 erabat azpira.

 Orio'k bakarrik du

 betiko segira,

 ori-ori gaillenduz

 urrezko dirdira.

 Tosta ibilkorrean

 asi giñanetik,

 Espaiñi'ko txapela

 da gure aldetik.

 Saiatu gera eta,

 aizkenean iritx,

 menderatu ditugu

 Oxford eta Kenbritx.