|
Lenengo ikutua
[Loidi?]
Donostiarrak maite
degu itxasoa,
ez nau mendiak emen
bustiko naikoa,
alabaiņa ordain dit
baserri-giroa,
aize garbi, txoriak
ta perretxikoa,
gaztaindegiak eta
garoa.
Eleiz aundi ederra
torre bi dituna
muņo-gaiņean lerden,
zeru oiartzuna;
inguruan bizi da
erri fededuna,
barrutiz Bizkai ata
mintzoz erdelduna.
Gertu dalarik, nator
urruna.
Artasoro, garia,
belardiak eta
esne-beiak du emen
osatzen lanketa.
Ez dezu ikusiko
iņon belar-meta,
etxe-ganbaran ezik
laztanki gordeta.
Garestia da nonbait
pezeta.
Bizkai'ko sartaldean
maite dut Karrantza,
zigorrez sista nauten
erbeste-arantza.
Auzoak dute ardi
larratuen antza,
ta ni mendi-mendian
gora ta berantza.
Ez dut naigabetuen
zalantza.
|
