Lanzasagudas'en Santiago egunez

Loidi, P.

 Santiago-egunez

 Lanzasagudas-ko

 elizan sermoilari

 nintzan pozik asko.

 Jauntxoak naigo zuten

 apaiz erderazko,

 izlari ona baina

 que no sea vasco.

 Sariz bazkari ona

 ta eskarrik asko.

 Aldaretik nintzaien

 gezur-salatari:

 Santiago etzala

 saldizko gudari,

 moroak zanpatu ta

 ezpataz ilkari,

 pake zalea baizik

 guzien maitari.

 Klabijo-ren ez da

 izanen mirari.

 Sermoiak illundu zun

 norbaiten kopeta,

 ura etzala noski

 bear zan izketa.

 Don Bruno maisu zanak

 jo zuan tronpeta:

 -"Santiago y cierra España!!

 Quien no lo respeta,

 como este cura vasco,

 Ira a la puñeta...!

 Maisuarekin denak

 zuten errepika:

 -"Queremos evangelio

 y no política...!"

 Bazkaldu barik nintzan

 atera korrika,

 aserre bait nituen

 atzetik arrika.

 Gero denak azturik,

 dantza ta musika.