Edeluka eta argi eletrika

[Loidi?]

 San Esteban auzoan

 det apaiz laguna,

 Bravo tar Don Elias

 jator euskalduna;

 alkar maiz ikustea

 oitura deguna,

 neri dagokitenez,

 artu det eguna.

 Serbitzari leiala

 degu Adeluka,

 txarrikik direnean

 aruntz erreguka.

 Ikusi nau ta jo du

 leiotik oiuka:

 -Gaur odolki-usaiak

 dakar, ezin uka...!

 Sarreran agurtu ta

 jo det irri billa:

 -Zer da au emen zapaitik

 datorren gingilla...?

 Adelak dio: -Au da

 argien bonbilla,

 eta sortu zuana,

 zeruan dedilla...!

 -"Au bai Aldeacueva-n

 bear dezutela,

 ez dakite, jarriko

 luteke bestela.

 Giltz oni eragin ta,

 mirari bezela,

 argia piztutzen da,

 ez lengo kandela".

 "Esto no hay en su tierra,

 vino de América!"

 Donostiar batentzat

 ura zan arrika.

 Ala ta ez nion ez

 igesi korrika;

 aren eskolarentzat

 gure politika.

 Far-aldetik artuaz,

 nintzaion adika.

 Adelatxo gaixoak

 beti errepika:

 -"Onen izena degu

 argi eletrika.

 Ura bette-bette ta

 gu irri-murrika.