Leyoa
1
Leyo, etxearen begi,
illun ta itxirik dago.
Nok eskua lar sorgiņa
bera edegiteko?
Uzta zerendu gaņean
ordua lo zurrunka...
Armiarma eiztariak
aspertu bako kanta.
Ta leyarrean zut dagon
izartxo ergelak, zer?
Onen zoritxar aundia!
Danak aztuta, or iltzer.
II
Arratsez, euzkia iltean,
bertatik da edegi;
ta geroz al oro alper,
ezin dau iņok itxi.
Baņa itargi-burdian zut,
betarte mirriz da igaro,
sorgin baldartxo antzean,
mulu-mulu erio.
Leyar azala da lauso,
izar zuria itzali:
aspaldi zabal zan leyo,
danbada utsean, itxi.
|