Khilo-egilearen kantuak
1
Amikozeko Gilen khilo-egileak
Etchetik khendu ditu bere langileak,
Sehi maiteak,
Zeren galdu dituen irabazbideak.
2
Ez dezake nihon sal khiloa, ardatza,
Nagusitu baitzaio galtz-erdi orratza,
Moko zorrotza,
Ez da izertu nahi oraiko neskatcha.
3
Elhe biltzen dabila, galtchoina eskuan,
Laneko gogorikan ez baitu buruan,
Alfer moduan
Oihal guti erranez khutcharen chokuan.
4
Gazte irule guti da Eskual-herrian,
Bat ez dugu ikhusten khiloa gerrian
Athe hegian.
Oi zer frendak horiek saltzeko ferian!
5
Oraino zembait bada atso horietan
Iruten hari denik berant arrotsetan
Bihotzminetan,
Ilobek ez lagunduz behar-orduetan.
6
Askotan altchatzen da amasoren boza,
Bainan ilobak ez du hartu nahi ontsa,
Lanerat lotsa!
Arrantze gabe nahi bailuke arrosa.
7
Amak goizean oihu: Jaiki hadi, haurra;
Ez-dela aski luze hiretako gaua?
Har zan haintzurra
Itzuli beharra dun baratzeko lurra.
8
Alabak arrapostu ohetik gostura:
Bego bihar artino haintzurtzeko lurra,
Arte laburra;
Joan behar baitut goizik egun merkhatura.
9
Zuri galdatzen deutzut, izeba Maria,
Lakhet-lekhu othe da gaztentzat hiria?
Hain da egin,
Harat joaiteko badut hainitz gutizia,
10
Horra nola dabiltzan oraiko neskatchak
Lur-lanetako dire sobera beratzak.
Oi alter hotzak!
Akhabo eginen du laster laborantzak.
11
Neskatcha gazte deno, itchuraz da abil;
Esposatu berrian jaunarentzat umil;
Ondoan zarpil.
Galtzetako zilhoak erdirat ezin bil.