Barren-izketak
Jauregi, Koldobika
Ez jun, ene biotza,
baratzera
alako loretxoa
usaitzera:
pozoidun intza dauka,
ta ilko zera.
Mendi-tontor artara
gaur, biotza,
ez igo, an baitago
gaur mirotza:
antxen dezu zure zai
eriotza.
Ez jun usotxoekin
garieta,
eiztaria an baidezu
gaur gordeta,
aspaldian zu il-naiez
dabil-eta.
Ez jun zure egarria
asetzera
ango bide-ondoko
ibaiera:
ur-ertzean egarriz
ilko zera.
Zoaz, ostera, laister
aldarera,
ezti-tantoz ezpaņak
bustitzera,
aragi dan ogiaz
indartzera.
Zoaz, an ikusiko
eguzkia
elur-soņeko biziz
estalia:
antxen babes alaia,
kai eztia.
Uso garbiak aruntz
garieta,
t'eiztaria, ogitan
zai, gordeta:
uso oro pozez, aren
besoeta.
Uso oiekin, biotza,
ega zaite,
jan ta jan gari ori,
ase-arte...
Eiztariak ez zaitu
ilko, maite.
|