|
Burgos aldeko eizak
Jakakortajarena, Txomin
Burgos'ko erri txiki
Arlote batean,
Bost lagun izan giñan
Eper eizean.
Eguna bota eta
Nekea soiñean.
Xato beltxak ler egin
Zigun atzenean...
idi bat maiean,
Birrintzeko ustean
Erdel lurrunean
Sar giñan taldean,
¡Ez toki txar txarrera
Ase naiean!
Sartu giñan bezela
Zaunkaka zakurrak,
Leio atzean kuzkur
Atso zimurrak.
Oillo danak kakaraz
Arrantza asto izurrak,
Oartu gabe eztira an
Sartuko lapurrak...
Biztanle zugurrak
Yo zitun bildurrak
Bost eusko aidurrak
Ase ezin makurrak,
Yango genitula ango
Txistor muturrak.
Sei etxe kolokan da
Eliz bat goitxoan
Gabeukatz bat ageri
Da lo zorroan;
Obitegirik eztu
Eleizak alboan,
Ezpaita iñor il denik
Oraindik gogoan.
iñor ez arloan,
Iñor ez soroan,
Sei asto saldoan,
Lau txerri lertzoan.
Mandos ilko dun aker
Usala auzoan.
Etxe onentxonera
Yo genun albetan,
¡Geriraiñoko loia
Atarietan!
Galduko ez ba'giñan
Danak loidietan
Yarri azi giñuzen
Asto zar gaiñeten.
Ez naiz ni olgetan
Yarriko birretan
Ango astoetan
Ta mando zarretan
¡Asto ta guzi iraulka
Giñan loietan!
¡Ura ango Aztakaren
Ikaragarria!
Bi astok antxen galdu
Zuten bizia
Baiñan etzan asarre
Etxeko nausia
An ase genulako
Zerbait yan-isia...
Eskatu ur garbia
Ken dezagun loia
Ordu betera ia
Omen da iturria..
¡Zato beltxa anpatzeko
Au da alderdia!
Sukaldera sartu ta
Orma danak kear
Txistorrik ez da an ager
Makilla zear.
Bilgo bildurgarri bat
Eta bi txaki zar.
Piperrak alda leikez
An gaur edo biar
Gelan ontzi ñabar
Lotsagarri-xamar...
Aulkirik an ez ar
Danak anka bakar
¡Prakak aska nai ta arto
Soloa bear!
Atso beltx ta ttattar bat
Aurkeztu da atera
¡Ene bada arek egin
Zigun atera!
Eskuan txerri pertza
Ta atzetik aldera
Sendi polita dakar
Gu abetaltzera...
¡Ura aren yazkera!
Zazarkin aukera
Aren mintzoera
Piper miña bera
Poz pozik botako nun
Lisu batera.
Ontan danontzat eska
Dugu aparia
Nork bestela ixil-azi
Atso itz-ontzia?
Ikusi bazenuten
Ura ango larria!
Danak yan-eske ibill
Baitzuten erra
Gela bat itxia
Illun ta txikia
Mai trinkin eria
Ona yan-tokia
Yaki zai ez digu ba
Yo geberdia?
Noizpait ager dituzte
Gure lau eperak
Gero piper luze ta
Mutur okerrak.
Urrena tipuletan
Min-min ta txikerrak
Arrunt oki giñuzen
Burgos'ko piperak.
Atso zar alperrak
Par-murri ankerrak
Gure Yon alerrak
Galdera ederrak...
Arraultzik ez al duten
Yartzen akerrak?
Yan-usalera berriz
Erriko elbiak
Ate zulotik sartu
Ziran guziak.
Mordoan asaldatu
Zituzten txaliak
Etzitun atzeratzen
Piper min gorriak...
Aur errukarriak
Urteten begiak
Katu gosetiak
Miauka larriak
Iñoiz en ezin egin
On apariak.
Bostentzat eska degu
Oia apal ostean
Muturka sar giñuzen
Lasto pillean
Baiñan zeiñek lo artu
Alako oatzean?
Azkaka asi baikiñan
An oiñak sartzean
Gaiñera goizean
Irurak aldean
Lo artzeko unean
Belarri ertzean
Eun kirkir zitzaizkigun
Asi batean.
Begiak itxi gabe
Yo zuten zazpiak;
Ontan entzun ditugu
Danda larriak.
Etzula ta gauz onik
Iñolaz erriak
¡Gure atarrapuzkak
Etziran txikiak!
Auntz beltz ta itsusiak
An datoz nagiak!
Eleiz atariak
Akerraz yosiak...!
¡Akerrai deitutzeko
Eleiz-txiliak!
Mendiruntz abitu da
Aker beltz saldoa
Guri ere erne saigu
Itzul gogoa
Baiñan mendiko berri
Guk yakin naikoa
Bide lagun yatorra
Dala xatokoa...
Ardo bira auzoa
Irauli osoa
¡Guri an yazoa
Ezta aipatzekoa!
Danan arte ezin anpa
Gure xatoa.
Geroago ikasi det
Biaromonean
Arrentzak zituztela
Eleiz barnean.
Itzuli ez gaitezen
Ogei bat urtean
Onda omen gendun ba
Erria yanean
Ez naiz ez arean
Sartuko eizean
Erdel lurrunean
Urte sail batean!
Eiza urri egin oi da
Burgos aldean.
|
