Urtheberrikari.

Felix Iriarte Banca.

 1

 Agur Eskualduneri Urthe on batekin

 Nahi nuke mintzatu bi solhas zuekin.

 Chaharra iraganik huna urthe berri

 Irakur ditzazuen mila plazerekin..

 2

 Zombeit persu igorriz Eskualdunarekin

 Bere present ederra zer dauku ekarri

 Penak hainitzen dako atsegin bertzeri

 Hobeago bat galda dezagun Jaunari.

 3

 Herriko chahar hoiek erraiten dutena

 Plazerrak ondotikan bethi badu pena

 Askotan gerthatzen da egia da dena

 Guziek ezin izan plazer handiena.

 4

 Urthe chaharra zauku bakean finitu

 Herriaren eskurat entregatu gaitu

 Hau behar dugu orai onheski segitu

 Hunen bururatzeaz ardura orhoitu.

 5

 Othoitz egin dezagun guk oroz gainetik

 Zerbeit ardiesteko bakearen gatik.

 Hor entzuten ditugu Anaien artetik

 Burrumba lazgarriak mendiz bertz'aldetik.

 6

 Horra gure auzoan zoin gaizki Babiltzan

 Trichtezia da hori munduko bizitzan

 Othoitz egin dezagun Jaunaren gerizan

 Guretzat ez dadien holakorik izan.

 7

 Galda dezagun ere urtheberrikari

 Bakea ekar dezan mundu guziari

 Laguntza galdeginez Ama Birjinari

 Zerutik beha deztan behar orduari.

 8

 Beraz urthe berria burura dezagun

 Egon gaiten guziak bethikotz Eskualdun

 Gogoz Eskualdun eta bihotzez Fededun,

 Zeruko Ama ona hartuz gure lagun.