Jesus aurtxoa

Urtsuya

 Jesus aurtxoa ortxen datza

 Bere Amaren besoetan:

 Aingerutxoak ari zaizka

 Parrez eresi gozoetan.

 "Ume polita, egizu lo:

 Itxi begiok len baño len;

 Zure ama da goibelduko

 Ezpadiozu lo egiten."

 Artu du loak, itxi ditu

 Begi beltx ayek lo eztian.

 ­Bai dala orain Ama alaitu

 Semea lotan ikustean!

 ­Oi! ­zein ederrak diruditen

 Aurraren ezpain-aurpegiak!

 ­Oi! nola duten dist egiten

 Matela gorri ta txuriak.

 Amets gozotan da abiatu,

 ­Gizonekiko ametsetan;

 Ain maite gaitu! Ezin gaitu

 Aztu ez esna ez-ta lotan.

 Ixil zaitezte, Aingoruak,

 Ez egin otsik aurtxoari;

 Ez jo erosi gozatsuak

 Belaxe eztedin iratzarri.