Galburu ta mats-mordoak

 Zelai aldetik dator

 Zidorrean barrena

 Maria Birjiñaren

 Semetxo'apal, mena,

 Egundaiño sortu dan

 Umerik ederrena.

 Mats-mordo bat zekarren

 Bere esku eskuiñean,

 Gari-eskumentxo bat

 Bere esku ezkerrean.

 Bidera-irten zitzayon

 Done Joan Batixta,

 Zakaria'ren seme,

 Bere kide laguna.

 Gurutze-makilla bat

 Esku artean zeukan,

 Bere soiñekotxoa

 Ardi-larruzkoa zan;

 Jesus'i ots-egin ta

 jardun zion izketan:

 -Nondik nora zabiltza,

 Jesus kide yayoa?-

 -Zelayean izan naiz,

 Orain etxera noa.-

 -Gari ta mats oriek

 Non dituzu atzeman?-

 -Galsoro jato! bat da

 Or goitiko mendiskan;

 Garia zori dago,

 Sorta au bildu det bertan.

 Masti yori bat ere

 Badago an ondoan;

 Mordo eder bete au

 Ebaki det orretan.-

 -Ta zer egin nai dezu

 Gari ta mats oyezaz?-

 -Etxera naizenean

 Eoko det garia,

 Iriña oratu ta

 Egingo ogi zuria.

 Gero trinkatuko det

 Alaber mats-mordoa

 Ta artatik aterako

 Ardo ezti gozoa.-

 -Ta ogi-ardo oriek

 Zertako nai dituzu?

 -Ai! gauza aundi bat nai det

 Oyen bidez burutu;

 Orain diotsudan au

 Ondo gogoan artu.

 Urteak igaro ta

 Bein gurutze-urkabean

 Il ta zeruratzeko

 Egongo naizenean,

 Ogi au egingo det

 Neronexen aragi,

 Gizonei izan dakien

 Gogoentzat janari.

 Ardo au nere odol

 Egingo det orobat

 Ta gizonei emango

 Gogoen edaritzat.

 Gaiñera ogi-ardo

 Auen irudipean

 Estali-ta, mundua

 Mundu dan bitartean

 Bizirik iraungo det

 Gizasemen artean:

 Beren lagun ta azkuri

 Izango naiz mendetan.-

 Done Joane itz oyek

 Entzunaz samurtu zan,

 Ta muin gozo bat zien

 Gari ta matsai eman.