Agur Maria
Urtsuya
Igesi doa illunbea,
Badator argi-astea
Mendi ta ibarrak purpuraz jantziz;
Agur zuri ordu guziz
Oi gure jaunaren Ama,
Goizeko izar ederrena!
Ezkillak badarauntsa;
Ots! orok otoitzera!
Agur Maria!
Eguerdiaren diztiak
Lurraren bazter guziak
Betetzen ditu inguru-inguru;
Berriz agur-dagitzugu
Jaunaren Ama garbia,
Eguzki-izpiz jantzia!
Ezkilak badarauntsa;
Ots! orok otoitzera!
Agur Maria!
Eguna apalduz dijoa;
Begira! zeru-koroa
Apaindu da ainbat izar argiz;
Agur ezin konta ala adiz
Ama Maria maitea,
Gauaz gure Zaintzalea!
Ezkillak badarauntsa;
Ots! orok otoitzera!
Agur Maria!
|